ام عبدو وسنها الوحيد😂

صباح الخير

متل العادة وأنا رايق وعم أشرب فنجان قهوة☕ بالعيادة

بتدخل أم عبدددددو 👨🏻‍⚕أهلييييين أم عبدددددو

أم عبدو ختيارة كتير وعندها سن وحيد متل حكايتها بتمها مافي غيرو وعم يرقص عالإيقاع

👨🏻‍⚕خير أم عبدو

👵🏻 يا ابني هاد السن مللني اقلعلي ياه

👨🏻‍⚕تكرمي اتفضلي

وبلحمة بصر كنا مخلصين

😱😱أم عبدو مذهولة مصعوقة وينو سني

👨🏻‍⚕قلعناه

👵🏻😭ليش قلعتو يادكتور حرام عليك وحيد مافي غيرو شو بدي أعمل بدونو

👨🏻‍⚕أيه ما أنت قلتيلي اقلعو 🤨

😭😭ياظالم يا قاسي

هون بتجي المساندة من زوجتي العزيزة وعلى جنب بتحكي مع أم عبدو كلمتين بتصير بتضحك وبتطلع مبسوطة ومشقرقة🙂

وبعد جهد جهيد حتى اعترفت زوجتي بيلي قالتو

حيث قالت

👩🏼‍⚕أم عبدو هلأ بس تركبي البدلة ويرجعو سنانك كاملات بترجعي صبية و إلك عندي مفاجأة 😉 بتخجل أم عبدو وبيحمرو خدودها☺

لا مابدي بدلة بدي ابتسامة هولييود😁

تكرمي😂😂😂😂

حدي فهم شي

بغض النظر كل الشكر لمن أنقذني من شر زهايمر يفتك بالناس

#الجنس_اللطيف_كيدهن_عظيم

#الدكتورة_أم_معز