• Smile Clinics

الناس معادن - الجزء الثاني ⚒👨‍👩‍👧‍👦

يسعد أوقاتكم متابعينا الكرام

منرجع منكمل قصتنا بعد مانشرنا الغسيل وجلينا الجليات

وبعد مافقعت مع الدكتور وسحب أول أداة حادة ومباشرة بنط أبو عبدو من عالكرسي وبياخد وضعية القطة بلحظة الدفاع عن النفس

شبك أبو عبدو لوين نطيت

دكتور طول بالك بدي اشرحلك

فتاح تمك ولا تستفزني أكتر من هيك اقعد عالكرسي

مع نظرتي الحازمة

أي نعم أبو عبدو رح نبلش بتنظيف اللثة

بالعتتل بواابيلتن بلالالهععع

أي أبو عبدو فهمان عليك خليك فاتح تمك كمل حديثك سمعانك

وخلصت أول جلسة ياسادة ياكرام وأبو عبدو أخد موعد جديد

ولما فتحنا سيرة الحساب أبو عبدو طرأ عليه بعض التحولات من ناحية ارتخاء عضلات الذقن وتوسع الحدقات وتغيرات أخرى استغرق الأمر عدة دقائق حتى رجعتلو ذاكرتو

المهم دكتور أنا بدفعلك حقك كامل بالجلسة الجاي

الجلسة الجاي أجى أبو عبدو وجايب معو تفاح

واتفضل دكتور كرمال خاطري

حبيبي أبو عبدو مابدي يسلمو

خووود بس وحدة ماتفكرني رح أعطيك الكيس

لك عيني مابدي ولا نص وحدة مابدي

أساسا ممنوع الأكل بالعيادة

اتفضل لنكمل شغلنا .......طيب أبو عبدو حسابنا صار........

دكتور مشان الله خووود التفاحة

أبو عبدو بما أنك مثقف فلازم تعرف أنو زمن المقايضة انقرض ماهيك

طيب دكتور بعد إذنك أنا معي شخص برا واقف

اذا بتحل القصة بيني وبينو بعطيك حقك

واذا ما حليتها بيناتكن شو بصير على كل حال

روح جيبو للشخص الله يمضي هاليوم على خير

ودخل رجل جرت السنين على جبينه وحفرت على وجهه الشقاء رغم سماحته وطيبته

أهلين ياعم اتفضل ارتاح

يا ابني أنا جايي مع أبو عبدو حتى شوف شقد بدك منو

مافهمت عليك

دكتور أنت افحص سنان الحجي وشوف شو بدو وهوي بحاسبك عني وعنو

ليش ياحجي أنت شو قصتك مع أبو عبدو

.

.

.

.

.

معقول ياحجي أنت أبوه لهاد وليش خلاك برا

أبو عبدو اتأخر عليي اتصلت فيه وقلتلو يستناني برا

وأنت جوا عم تقص سير

يا ابني مافي مشكلة أنا ساكن بعيد وضعت عالطريق

مع مين ساكن ياحجي

ساكن لوحدي 😱😱


بيت ابني الوحيد صغير وعيلتو كبيرة

ابنك الوحيد............😳

قبل الحرب يا ابني كان ابني يجي كل يوم لعنا ومافي أحلى من عيشتنا أفرح بشوفتو وشوفة عيلتو

بس اتغيرت الظروف وصار الناس عندها مشاكل وأعذار ماعاد نعتب على حدا

اممممم العتاب للأحباب على علمي

الظروف حجة يلي ماعندو حجة

ياحجي الناس معادن وطبيعي نشوف أشكال مصدية

دكتور شو قصدك 😒

سلامتك يا دهب يا إلماس



..........

هذه إحدى المواقف التي لا أنساها

ليدفع الأب تكاليف علاج ابنه الشاب كعقاب للأب الذي رفض تسجيل أملاكه لابنه الذكر "الوحيد"


#بقلم_الدكتورة_أم_العز

3 عرض0 تعليق