• Smile Clinics

الناس معادن - الجزء الاول ⚒👨‍👩‍👧‍👦

يسعد أوقات متابعينا وين ماكانو ...☺

حابب اليوم أحكيلكن قصة صارت معي بالعيادة😌

عنوان قصتنا

&,الناس معادن,&

كان يوم ثلاثاء و الشمس حلوة و أنا جاي مروق عالعيادة🤗 و متل العادة بلشت بعلاج مرضايي حسب مواعيدن😬

لحد ما أجى موعد السيد أبو عبدو" طبعا الاسم وهمي"

👨🏻‍⚕اتفضل أبو عبدو عالكرسي خير..؟؟!!!

و بلش أبو عبدو بالقصة من وقت أجى عالدنيا😡

اختصر🤪 يا أبو عبدو

👨🏻على عيني دكتور أنا من وقت طلعو سناني

👨🏻‍⚕هيك اختصرت أنت يعني ست سنين من عمرك😕😳

👨🏻دكتور أنا بدي أوصفلك طبيعة سناني حتى تعرف التشخيص مزبوط😱😨

👨🏻‍⚕امممم شو بتشتغل أبو عبدو

👨🏻أنا دارس علوم صحية واختصاصي...

🧐هون أنا فهمت أنو المريض مثقف وبدو يعرف كل خطوة من أين وإلى أين ولماذا

👨🏻‍⚕إيوا إي تكرم أبو عبدو رح اشرحلك شوي عن سنانك

أنت يا أبو عبدو أولا سنانك بحاجة لتنظيف

👨🏻😒أبو عبدو مقاطعا وبلهجة حازمة أنا بفرشيهن كتير و بعتني فيهن

👨🏻‍⚕ما اختلفنا بس طريقة التفريش غلط لذلك عندك قلح متراكم عالأسنان

👨🏻قصدك جير متكلس دكتور

👨🏻‍⚕أي سميه متل مابتحب هاد لازم نشيلو حتى ما يأثر عاللثة و الأسنان

و بعدين حضرتك بحاجة لتبيض سنانك لأن الصراحة صاير لونن بني

👨🏻لا لا دكتور التبييض مضر للأسنان و بعدين هاد بعتبرو أنا تجارة تجميلية لا تزعل مني دكتور

هووون فقعت مع محسوبكم الدكتور👊

وأخد أول أداة حادة شافها قدامو و مباشرة ......😤🤬

نكمل بعد دعاية مع برسيل الغسيل ما إلو مثيل

خليكن بانتظارنا مننشر الغسيلات ومنكمل



بقلم #الدكتورة_أم_العز

2 عرض0 تعليق