• Smile Clinics

احذر من الطبيب الرايق - الجزء الثاني 👨🏻‍⚕

أيامكم سعادة وساعاتكم عسل متابعينا

ومنكمل قصتنا بعد ما اتغدينا وجلينا

وفجأة بيجي عالعيادة زميلي العزيز الدكتور محمد

وبعد ما شرحنالو القصة وقف بصف أم عبدو

وطبعا ساق معي بالقصة "تحية للبيست فريند يلي بسوق مع السوق"

المهم اتفقت مع أبو عبدو أنو خلصو من هالقصة

وبنفس الوقت كان الدكتور محمد عم يتفق مع أم عبدو أنو أي شي منشوفو منسجلوو لنستخدمو ضدو

وبعد مؤامرات ومؤتمرات بيقعد أبو عبدو وبيفتح تمو

وبتفوت الكاميرا وبتشتغل الشاشة

وفجأة بتطلع صورة الكعبة المشرفة وناس عم تطوف ولابسين أبيض ووجوهن نور

👨🏻‍⚕ماشاء الله يا أبو عبدو قلبك وفكرك بالحج

👴🏻 أي أي والله يادكتور

👵🏻وأنا ليش ماني طالعة بالفيديو أبو عبدو يعني مانك ناوي تاخدني😡

👴🏻لا ناوي آخدك

👨🏻‍⚕أم عبدو شايفة الإشارة الحمرا يلي فوق معناها أبو عبدو عم يفكر يحج برفقة شخص غالي عليه ومابتوقع في أغلى منك

👵🏻أي خير ان شاء الله

👵🏻بس نرجع من الحج يا دكاترة مارح ننسى أبدا هداياكم مو هيك أبو عبدو

👴🏻أي أي لكن لكن

👵🏻يعطيكم العافية دكتور علاء بعد إذنك احجزلي موعد بكرة

👨🏻‍⚕لمين لأبو عبدو

لا لأبو أحمد زوج بنتي بدي أعرف بشو عم يفكر هداك كمان

وهون بيتوقف أبو عبدو ليتشكرنا طويلا لأننا سترنا عليه وماخلينا المستور يبان😂😂😂😂😂



وضلينا أنا ورفيقي نضحك طول النهار وماعرفنا من وين طلع معنا يلي طلع

وبالآخر طلع أنو لازم

تحذر طبيبك الفرحان والغضبان والتعبان والجوعان

إذا فرحان بيتسلى فيك

وإذا غضبان بيعصب عليك

وإذا تعبان بيتفشش فيك

وإذا جوعان يالطيييف شو بيعمل فيك

😂😂😂😂😂




#بقلم_الدكتورة_أم_العز

16 عرض0 تعليق