Smile Clinics- Smile Clinics
احذر من الطبيب الرايق - الجزء الاول 👨🏻⚕
أيامكم سعادة و ساعتكم عسل متابعينا
قصة اليوم بعنوان
(احذر من الطبيب الرايق)
بالعيادة اليوم و أنا بكامل رواقي
بيجي المريض المتقاعد المتسلط الأستاذ "أبو عبدو" طبعا متل ما اتعودنا الاسم وهمي مع زوجته السيدة اللطيفة و المحترمة أم عبدو
و بكل احترام أهلين يا أستاذ شرفتونا
👴🏻أم عبدو سنها عم يوجعها يادكتور
👵🏻أي والله يادكتور ماعم أقد.....
أبو عبدو مقاطعا زوجته 👴🏻 ماعم تقدر تاكل
👨🏻⚕طيب أم عبدو في لمعة عالبارد
أم عبدو همت بالإجابة ليعترض صوت الزوج 👴🏻 أي دكتور
👨🏻⚕السؤال الثالث أبو عبدو سن زوجتك عم يوجعها بالليل
👴🏻 أي دكتور
👨🏻⚕طيب بتحب تقعد كمان بدالها عالكرسي
اتفضلي أم عبدو
وخلال العلاج
كان أبو عبدو يتحدث عن بطولاته و يستعرض عضلاته
و بعد انتهاء الجلسة لليوم
👴🏻 دكتور معلش تفحصلي سناني
😼ورنت بقلبي ضحكة شرشبيل سأنتقم منك يا أبو عبدو
👨🏻⚕أي طبعا اتفضل
و جلس أبو عبدو عالكرسي
👨🏻⚕ رح افحصلك سنانك بالكاميرا
👴🏻شو هاي الشاشة دكتور لشو
👨🏻⚕هاي بتفرجينا كلشي عم تفكر فيه أبو عبدو افتح خلينا ندخل هالكاميرا لنشوف
😱😱😱😱😱
👴🏻😨لا دكتور مافي داعي يسلمو لا تعذب حالك
👵🏻اقعد أبو عبدو و افتح تمك خلي الدكتور يشوف شغلو
👴🏻يا أم عبدو مابدنا نعطل الدكتور
👵🏻دكتور شوف شغلك و افتحلي هالشاشة لشوف
وبعد عدة محاولات يائسة من أبو عبدو ليتهرب
قالت أم عبدو جملة خطيرة جدا و بلهجة حازمة أيضا
👵🏻إذا بشوف شي ما بيعجبني رح يكون إلي تصرف ما بيعجبك .......
و اضطريت إني إفتح الشاشة و هووون بيدخل عالعيادة فجأة.....
انتظرونا لتكملة القصة غدا بعد الغدا
بقلم #الدكتورة_أم_العز